Pleyeri seçin:
İsrail girov götürülənlərlə bağlı onlara çağırış etdi | Bunu etməsələr, hücumlar davam edəcək!
HƏMAS ilə İsrail arasındakı münaqişədə ölən fələstinlilərin sayı 50 944 nəfərə çatıb. 2023-cü il oktyabrın 7-dən bu günə 116 156 nəfər yaralanıb.
Səhiyyə orqanlarının məlumatına görə, son sutkalar ərzində xəstəxanalara 11 ölü, 111 yaralı gətirilib. Martın 18-də iki aylıq atəşkəsin pozulmasından sonra 1574 nəfərin həlak olduğu, 4115 fələstinlinin isə xəsarət aldığı bildirilir.
İsrailin Müdafiə Ordusunun aprelin 13-də yaydığı məlumata görə, Qəzzada 90-dan çox obyektə zərbə endirilib. Əl-Əhli xəstəxanası da hücuma məruz qalıb.
İsrail tərəfi düşünür ki, HƏMAS-ın komanda mərkəzi xəstəxanada yerləşir.
Qeyd edək ki, İsrailin müdafiə naziri İsrael Katz aprelin 13-də bir daha bildirib ki, HƏMAS girovları azad etməsə, Qəzzaya hücumlar davam etdiriləcək.
Kopyalandı
#İsrail teqi istifadə olunub
Seçilmişlər
