İsrail ikinci müharibəyə başlayır? - "Hizbullah"dan 2 ölkəyə sərt hədə

“Hizbullah” hərbi qruplaşması İsraillə müharibə olacağı təqdirdə Təl-Əvivin istənilən ərazisinə hücum edə biləcək arsenala sahibdir”.

Bu bəyanatla sözügedən qruplaşmanın rəhbəri Seyid Həsən Nəsrullah çıxış edib. Bildirib ki, “Hizbullah” ən pis ssenariyə belə hazırdır və İsrail heç bir yerdə onların raketindən qaça bilməz.

Bununla yanaşı, lider Aralıq dənizindəki hədəflərə hücumu da istisna etməyib. O, eyni zamanda Kipr Respublikasına da xəbərdarlıq edib. Nəsrullah İsrailə hərbi təlimlər üçün öz liman və aerodromlarını açacağı halda rəsmi Nikosiyanın da müharibə tərəfi hesab olunacağını açıqlayıb.

Onu da bildirək ki, İsrail Xarici İşlər Nazirliyi Livanla bağlı müharibə qərarı verməyə çox yaxın olduqlarına dair məlumat yayıb.