İsrail İranı hədələdi

“İsrail İranın bütün dünyadakı İsrail və yəhudi obyektlərinə zərbə endirmək üçün iyirmidən çox cəhdinin səbəbkarlarını tapmaq üçün “Tehranın ürəyinə” zərbə endirməyə hazırdır”.

Bunu İsrailin “Mossad” kəşfiyyat agentliyinin rəhbəri David Barnea deyib.

O, universitetlərdən birində keçirilən təhlükəsizlik konfransında çıxış edərkən bildirib ki, son bir ildə İsrail və müttəfiqləri Avropa, Afrika, Cənub-Şərqi Asiya və Cənubi Amerikada İran tərəfindən planlaşdırılan 27 hücumun qarşısını alıblar.

“Bütün bunların hamısı İran tərəfindən təşkil edilib, ilhamlandırılıb və səhnələşdirilib”, – Mossad rəhbəri qeyd edib və söyləyib:

“Biz danışdıqca, İran əlavə hücumlar həyata keçirməyə çalışır. Bizim mesajımız yüksək, aydın və qətidir”.

Barnea bildirib ki, İsrail sui-qəsdlərdə iştirak edən agentləri və onları göndərən komandirləri təqib edəcək. “Hədəflər İranın dərinliklərində, Tehranın mərkəzində müəyyən ediləcək”, – Mossad rəbəri bəyan edib.