İsrail Livanı bombardman etdi | Yüksəkvəzifəli məmur zərərsizləşdirildi

“Hizbullah” hərbi qruplaşmasının yüksəkrütbəli komandiri Əbu Neam ləqəbi ilə tanınan Məhəmməd Neam Naser Livanın cənubundakı Tir şəhərində İsrail hərbçiləri tərəfindən zərərsizləşdirilib.

Yerli medianın yaydığı məlumata görə, səhra komandiri avtomobildə hərəkət edərkən dron zərbəsinə tuş gəlib.

Məlumat üçün bildirək ki, sözügedən şəxs qruplaşmanın 3 regional birliyindən biri olan elit “Naser” bölməsinin komandiri olub və Livanın cənub-qərb bölgələrindən İsrailə raket hücumlarını idarə edib.

M.N.Naser 11 iyunda hava hücumları zamanı həlak olan Taleb Sami Abdullahdan sonra İranyönümlü qruplaşmanın yüksəkvəzifəli məmuru hesab olunurdu. Eyni zamanda “Hizbullah” lideri Həsən Nəsrullah Abdullah çıxışı zamanı onun İsraillə münaqişə başlayan andan etibarən cəbhə xəttində mühüm rol oynadığını açıqlayıb.

Qeyd edək ki, İsrail Müdafiə Ordusu da informasiyanın doğruluğunu təsdiqləyib.