İsrail Ordusu qurudan hücuma hazırlaşır

İsrail Baş naziri Benyamin Netanyahu Təl-Əvivdəki Müdafiə Nazirliyinin qərargahında təhlükəsizlik qiymətləndirməsi aparıb.

Müzakirə zamanı müdafiə naziri Yoav Gallant Qəzzanın “tam mühasirəyə alınması” əmrini verib, həmçinin hakimiyyətin elektrik enerjisini kəsəcəyini, qida və yanacağın girişini əngəlləyəcəyini bildirib.

Rəsmilər İsrailin müharibə elan edərək daha böyük döyüşlər və Qəzzaya mümkün qurudan hücumu barədə razılığa gəliblər.

İsrail Ordusunun Baş Qərargah rəisi Herzi Halevi isə öz növbəsində Müdafiə Qüvvələrinin Qəzza zolağı ilə sərhəddəki ərazinin terrorçulardan təmizləndiyini və artıq hücuma hazırlaşdıqlarını dilə gətirib.

Son məlumata görə, silahlı münaqişə indiyədək İsraildə 900-ə yaxın, Qəzzada isə 687 nəfərin həyatına son qoyub.