İsraildə müharibə hazırlığı: İsrail tankı ələ keçirildi, əsgərlər qətlə yetirildi

“Qəzza zolağından İsrail ərazisinə raket zərbələri endiriblər”.

Bu barədə İsrail Müdafiə Qüvvələrinin mətbuat xidməti məlumat yayıb. Hadisə nəticəsində ölən və yaralananlar var.

“İsrailin cənub və mərkəzi hissələrində yaşayan sakinlərə mühafizə olunan ərazilərdə qalmaları və Daxili Cəbhə Komandanlığının göstərişlərinə əməl etmələri tövsiyə olunur”, – deyə məlumatda qeyd edilib.

Daha əvvəl ordunun mətbuat xidməti məlumat vermişdi ki, İsrailin cənubunda və mərkəzində yerləşən bir çox yaşayış məntəqələrində, o cümlədən Təl-Əvivdə və onun ətrafında həyəcan siqnalı verilib. İsrail ordusu kütləvi raket zərbəsi endirdikdən sonra "müharibə hazırlığı vəziyyəti" elan edib.

Bu barədə ordunun mətbuat xidmətinin bəyanatında deyilir. Fələstinlilər sosial şəbəkələrdə paylaşımlar edərək bildiriblər ki, Qəzza zolağı yaxınlığında “Merkava” tankını ələ keçiriblər, İsrail əsgərlərini əsir götürüblər. Qətlə yetirdikləri hərbçilərin görüntülərini də paylaşıblar.