İsraildə vəziyyət daha da gərginləşdi | Ölənlər və yaralananların sayı açıqlandı

Oktyabrın 1-dən 2-nə keçən gecə İsrailin hava məkanları Livan, Yəmən və İran tərəfindən pozularaq raket zərbələrinə məruz qalıb.

Bu azmış kimi Təl-Əvivdə terror hadisəsi də törədilib. Belə ki, şəhərdaxili hərəkət edən qatarlardan bir neçə əlisilahlı dayanacaqda enərək insanlara atəş açmağa başlayıb. Hadisə nəticəsində 8 nəfərin öldüyü, bir neçə nəfərin isə yaralandığı bildirilib.

Polisin müdaxiləsindən sonra yaraqlılar zərərsizləşdirilsə də, hüquq-mühafizə orqanları insanlara lazım olmadıqca evdən çıxmamağı tövsiyə edib.

Qeyd edək ki, hava limanları, iaşə obyektləri və yerüstü, yeraltı nəqliyyat vasitələrinin hərəkəti xüsusi nəzarət altına alınıb.