İsraildən əməliyyatla bağlı təcili açıqlama | "Hizbullah" nəyi gizlədir?

İsrail Hərbi Hava Qüvvələrinin Livanın paytaxtı Beyruta aviahücumu nəticəsində “Hizbullah” silahlı qruplaşmasının önəmli simalarından olan Fuad Şükürün öldürüldüyü iddia edilib. Lakin “Hizbullah” bu iddianı rədd edərək Şükürün yalnız yaralı və sağ olduğunu açıqlayıb.

Bəyanatda bildirilib ki, bu, Təl-Əvivin növbəti uğursuz hücumudur.

İsrailin müdafiə naziri Yoav Qallant isə “Hizbullah” silahlı qruplaşmasının komandirlərindən biri sayılan Fuad Şükürün öldürüldüyünü təsdiq edib.

O, öz sosial şəbəkə hesabındakı paylaşımında hadisəni belə şərh edib: “İsrail silahlı qüvvələri “Hizbullah”ın ən yüksək səviyyəli hərbi komandirini məhv etmək üçün dəqiq və peşəkar əməliyyat icra etdi. Fuad Şükürün əlində çoxlu israillinin qanı var. Bu gecə xalqımızın qanının bizim üçün nə qədər dəyərli olduğunu sübut etdik. Mən bu peşəkar əməliyyata görə SAXAL-a, hərbi hava qüvvələrimizə və Baş Qərargah rəisinə dərin minnətdarlığımı bildirmək istəyirəm. Sizin imkanlarınız təkcə təhlükəsizliyimizi təmin etmir, həm də bizə böyük qürur yaşadır”. Xatırladaq ki, İsrail silahlı qüvvələrinin Beyruta hücumu nətisəsində 3 mülki şəxs həlak olub, azı 69 nəfər yaralanıb.