İsraildən livanlılara xəbərdarlıq | Məqsədimizə çatana qədər davam edəcəyik!

23 sentyabr 2024 217 baxış

“Biz Livanda hücumlarımızı dərinləşdiririk. İcra etdiyimiz hərbi antiterror əməliyyatları davam edir və məqsədlərimizə çatana qədər davam edəcək”.

Bu sözləri İsrailin müdafiə naziri Yoav Qallant deyib.

“Niyyətimiz şimal sakinlərini sağ-salamat evlərinə qaytarmaqdır. İndi xalqın soyuqqanlılıq, nizam-intizam nümayiş etdirməli və Daxili Cəbhə Komandanlığının göstərişlərinə tam itaət etməli olduğu dönəmlərdəyik”, – o bildirib.

Yoav Qallant Livanın cənubundakı sakinləri “Hizbullah”ın silah saxladığı evləri və digər binaları dərhal tərk etməyə səsləyib:

“Livanlılar nəzərə alsın ki, “Hizbullah” yaraqlı qrupuna qarşı tərəfimizdən “genişmiqyaslı aviazərbələr” icra ediləcək”.

Müdafiə naziri əlavə edib ki, “Hizbullah”ın yüksəkrütbəli komandirinin və onlarla döyüşçünün ölümünə səbəb olan son zərbələrinə cavab olaraq silahlı qruplaşma üzvləri İsrailin şimalına 150-yə yaxın raket və pilotsuz uçuş aparatları ilə hücum edib.

#İsrail