Dünya
Pleyeri seçin:
İsrailə ballistik raket atıldı, ara qarışdı | "Onları silahlandıran İrandır"
İsrailin keçmiş Baş naziri Naftali Bennett və müxalif Milli Birlik lideri Benni Qantz husilərin Təl-Əvivə zərbələrinə görə Tehranın bədəl ödəməsini hakimiyyətdən tələb ediblər.
Bu barədə “Tayms of İsrail” məlumat yayıb.
"İranın terror qruplaşması olan husilər İsrailə atəş açdıqda İsrail Tehrana cavab verməlidir. Husiləri maliyyələşdirən, silahlandıran, öyrədən və onlara nəzarət edən İrandır. İranın itirəcəyi çox şey var, husilərin isə daha azdır. Buna görə də İsrail İranın cavab verməsini tələb etməlidir. Bu, İranın yəhudi dövlətinə atəş açmamalı olduğunu başa düşməsinin yeganə yoludur", − N.Bennett sosial mediada yazıb.
B.Qantz da oxşar mesaj verərək qeyd edib: "Yəmənin həlli İrandadır. Biz husilərə cavab verməklə kifayətlənməməliyik”.
Kopyalandı
Seçilmişlər
