İsrailin casus proqramı hərəkətə keçdi | 578 məmurun məlumatları...

Polşada İsrail casus proqramı “Pegasus” vasitəsilə 578 siyasətçinin telefonu dinlənilib.

“Polşa xüsusi xidmət orqanlarının proqramı satın almasına baxmayaraq, siyasətçilərin şəxsi məlumatları müdafiə olunur”, – deyə yerli mediada iddia olunur.

Xəbərdə bildirilib ki, sözügedən proqram əvvəlcə Korrupsiyaya Qarşı Mübarizə Mərkəzi Bürosunun təşəbbüsü ilə alınıb, lakin sonradan məlumatlar Daxili Təhlükəsizlik Agentliyi, Hərbi Əks Kəşfiyyat Xidməti və polis tərəfindən də istifadə edilib.

Qurumlar proqram təminatı vasitəsilə əldə edilən məlumatların istifadəsi üçün illik pul da ödəyiblər. Hərbi Əks Kəşfiyyat Xidməti hər il Mərkəzi Antikorrupsiya Bürosunun hesabına 1 milyon dollar köçürüb.

Mülki ekspertlər isə hesab edirlər ki, “Pegasus” sistemi ilə əldə edilən məlumatların İsrail kəşfiyyatına ötürülmə ehtimalları yüksəkdir.

“Sözügedən şirkət istifadə hüququnu Polşaya satsa da, nasazlıq yarandığı halda proqrama düzəliş etmə və müdaxilə etmə perspektivlərini özündə saxlayıb, bu da isttənilən anda siyasətçilərin məlumatlarına keçid imkanı yaradır”, – deyə xəbərdə bildirilib.