Pleyeri seçin:
İsrailin müdafiə naziri Qəzza ilə bağlı yeni açıqlama verib
"İsrail ABŞ bu qərarı təsdiqləyəcəyi təqdirdə müharibə nəticəsində dağıdılmış Qəzza zolağının sakinlərini ərazidən çıxarmağa hazırdır".
Bunu İsrailin müdafiə naziri İsrael Kats "Ynet" portalının təşkil etdiyi konfransda deyib.
"Nəticə etibarilə əhalinin köçürülməsi olmadan Qəzza üçün real həll yolu yoxdur", – deyə Kats bildirib.
ABŞ Prezidenti Donald Tramp 2025-ci ildə Qəzza zolağının təxminən 2 milyon sakininin Misir və İordaniyaya köçürülməsini təklif edib. Lakin ABŞ və Yaxın Şərqdə ictimaiyyətin etirazlarından sonra bu ideyadan geri çəkilib.
İsrael Katsın sözlərinə görə, Tramp öz ideyasından imtina etməyib, sadəcə ərəb ölkələrinin təzyiqi ilə onu dondurub. Lakin plan ləğv edilməyib və hətta hazırda da daim müzakirə olunur.
Kopyalandı
#Qəzza zolağı teqi istifadə olunub
Seçilmişlər
