İstanbuldan gedən sərnişin dolu avtobus aşdı | Türkiyədə qəza

Türkiyənin Malatya şəhərinin Akçadağ rayonunda sərnişin avtobusu aşıb. Hadisə nəticəsində 4 nəfər ölüb, 36 nəfər yaralanıb.

İstanbuldan Malatyaya gedən sərnişin avtobusu naməlum səbəblərdən Akçadağ rayonunun Develi məhəlləsində aşıb. Eyni istiqamətdə hərəkət edən yük maşını aşan avtobusa çırpılıb.

Hadisə yerinə təcili yardım, polis əməkdaşları və yanğınsöndürmə briqadası cəlb edilib.

Qəza səbəbindən həmin yol bağlanıb, avtobus və yük maşını çıxarıldıqdan sonra hərəkət bərpa edilib.