Jurnalistin İsrail haqqında dedikləri başına bəla oldu

Böyük Britaniyanın BBC telekanalının efirində aparıcı Monika Miller İsrail Ordusunun Qəzza zolağında yerləşən “Əl Şəfa” xəstəxanasına daxil olan zaman tibb işçilərini və ərəb dilində danışanları hədəf aldığını bildirib.

O, efirdə “Reuters” xəbər agentliyinə istinadən verilən informasiyanı izləyicilərlə bölüşüb.

Məlumatda bildirilib ki, İsrail hərbçiləri xəstəxanaya xüsusi təlim keçmiş tibbi işçiləri və ərəb dilli əsgərlərin müşayiəti ilə daxil olublar. Lakin telekanalın aparıcısı İsrail Ordusunun xəstəxanaya daxil olduğu zaman məhz onları hədəf aldığını deyib. Bir qədər sonra isə telekanal ictimaiyyətdən və İsraildən üzr istəyib.

Qeyd edək ki, telekanal İsrail Müdafiə Qüvvələrinin tənqid və təzyiqlərindən sonra ictimaiyyətə müraciət edərək üzrxahlıq edib.