Kaliforniyada meşə yanğınlarında ölənlərin sayı durmadan artır

Kaliforniyada baş verən yanğınlarda azı 24 nəfər həlak olub.

Bu barədə Los-Anceles dairəsinin Tibbi Ekspertiza İdarəsi məlumat yayıb.

Qeyd edək ki, bundan əvvəl 16 nəfərin öldüyü bildirilirdi.

Bu arada, Los-Anceles yanğınları 8 milyon insanı təhdid edir. Belə ki, ABŞ-nin Los-Anceles dairəsində meşə yanğınlarının yaylmasına səbəb olan quru, küləkli hava şəraiti səbəbindən Cənubi Kaliforniya yaxın günlərdə kritik yanğın təhlükəsi altında qalacaq. Bu barədə “ABC News” telekanalı xəbər verib.

“8 milyondan çox insan kritik yanğın təhlükəsi zonasındadır”, – deyə telekanal bildirib.

Məlumata görə, bu vəziyyət yanvarın 15-nə qədər davam edəcək.

Qeyd edək ki, Los-Ancelesdə şiddətli meşə yanğınları yanvarın 7-də başlayıb. Yanğının genişlənməsinə şərait yaradan qasırğalı küləklər vəziyyəti daha da ağırlaşdırır.

Qeyd edilir ki, yanğın hidrantlarında su çatışmazlığı da alovun söndürülməsini çətinləşdirir. Yanğınlar səbəbindən 180 minə yaxın insan evini tərk etmək məcburiyyətində qalıb, minlərlə bina yanıb. Hollivudun bir çox məşhurları Los-Ancelesdəki evlərini itirib. ABŞ Prezidenti Co Bayden yanğınları böyük fəlakət elan edib və Kaliforniya ştatına federal yardımla bağlı göstəriş verib.