Keçmiş vəkil Paşayev Blinovskayanın əri ilə bağlı yayılan xəbərlərdən danışdı

Keçmiş vəkil, hazırda isə Ukraynada qaynar nöqtələrdə xüsusi missiya ilə iştirak edən azərbaycanlı Elman Paşayev Yelena Blinovskayanın ərinin Ukraynadakı hərbi əməliyyat zonasında saxlanması ilə bağlı məlumatı təkzib edib.

Keçmiş vəkil “Marafon kraliçası” kimi tanınan Y.Blinovskayanın əri Aleksey ilə birlikdə müharibədə döyüşdüyünü bildirərək deyib: "Bu, doğru deyil”.

Avqustda E.Paşayev Qazeta.ru-ya açıqlamasında yarasının sağaldığını və Aleksey Blinovski ilə birlikdə cəbhəyə qayıtdığını bildirib.

A.Blinovskinin həbsi ilə bağlı məlumatı sentyabrın 12-də “Mash” “Telegram” kanalı yayıb. Telekanalın məlumatına görə, komandanlıq sona qədər iş adamının hərbi xidmət hüququnu müdafiə edib, lakin bu “kömək etməyib”. Hüquq-mühafizə orqanlarının əməkdaşları Alekseyi əli qandallı vəziyyətdə bölmədən çıxarıblar. “Kommersant” qəzeti onun dindirilmək üçün Moskvaya aparılacağını yazıb.

A.Blinovski vergidən yayınmada və cinayət yolu ilə əldə edilmiş pul vəsaitlərinin yuyulmasında arvadına köməklik etməkdə ittiham olunur. Yazda o, xüsusi əməliyyat zonasına göndərilmək üçün müqavilə imzalayıb. SHOT-un hesablamalarına görə, A.Blinovski arvadının borclarını ödəmək üçün 395 il döyüşməli olacaqdı.

Bundan əvvəl Y.Blinovskayanın vəkili blogerin cinayət işindən azad olunma ehtimalı barədə danışmışdı.