Hüquqşünas Elman Paşayev barədə təcili məlumat | Şevçenko paylaşım etdi

usiyada tanınan azərbaycanlı hüquqşünas Elman Paşayev Ukraynada gedən müharibədə yaralanıb.

Bu barədə rusiyalı jurnalist və ictimai-siyasi xadim Maksim Şevçenko teleqram hesabında məlumat yayıb. Bildirib ki, Elman Paşayevin vəziyyəti ağırdır.

"Rusiya Silahlı Qüvvələri ilə müqavilə imzalayan və cəbhə xəttində olan hüquqşünas Elman Paşayev ağır yaralanıb. O, xəstəxanaya təxliyəsinin ləngidiyini və bunun qəsdən edildiyini iddia edib.

Hüquqşünasın təxliyəsində köməklik göstərilməsi üçün aidiyyəti qurumlardan xahiş edirəm”, – deyə paylaşımda qeyd olunub.

Məlumat üçün bildirək ki, Elman Paşayev Rusiyada uzun müddət vəkil kimi fəaliyyət göstərib. O, rusiyalı aktyor Mixail Yefremovu ölümlə nəticələnən avtomobil qəzasından sonra məhkəmədə müdafiə edib.

Lakin Elman Paşayev məhkəməni uduzub. Daha sonra ölkənin Ədliyyə Nazirliyi tərəfindən onun vəkillik statusuna xitam verilib.