Kiyev, Xerson və Lvov bombalandı

13 oktyabr 2025 444 baxış

Rusiya Silahlı Qüvvələri Ukraynanın üç əsas şəhərinə – Kiyev, Xerson və Lvova intensiv zərbələr endirib. Xerson vilayətinin dövlət administrasiyasının rəhbəri Aleksandr Prokudinin "Telegram" kanalında verdiyi məlumata görə, Rusiya qüvvələri yaşayış məntəqələrinə və enerji infrastrukturlarına hücum edib. Nəticədə Xersonda 2 nəfər həlak olub, 5 dinc sakin isə yaralanıb. Ölkənin qərbində yerləşən Lvov şəhərinin bombalanması zamanı isə 5 nəfər həyatını itirib. Paytaxt Kiyev də səhər saatlarında partlayış səsləri ilə açılıb, lakin Ukraynanın hava hücumundan müdafiə sistemləri şəhər üzərində 10-dan çox "Şahed" pilotsuz uçuş aparatını (PUA) məhv edərək daha böyük itkilərin qarşısını alıb. Bu hadisələr fonunda, Kuba rəsmiləri ABŞ-nin Kubanın Ukrayna müharibəsində Rusiya tərəfini dəstəklədiyi barədə ittihamlarını rədd edib, münaqişədə iştirak edən kubalılarla bağlı heç bir rəsmi razılığın olmadığını bildiriblər.

#Rusiya-Ukrayna müharibəsi