Kiyevlilər işıqsız qaldı | Rusiya və Ukrayna arasında gərginlik pik həddə

Ukraynanın yaşayış məntəqələri hücumlara məruz qalıb.

Rusiya qanadlı raket və PUA-lardan istifadə edib. Ukraynanın bütün bölgələrində hava hücumu xəbərdarlığı elan olunub.

Kiyev, Xarkov, Lvov, Sumıya hücumlarda əsasən “Şahed” dronlarından istifadə edilib. Hücuma görə Ukrayna paytaxtına hərəkət edən qatarların işində gecikmə yaranıb.

Zərbələr nəticəsində enerji infrastrukturu zədələnib. Təkcə Kiyevdə 2 min ailə işıqsız qalıb. Kiyevin meri Vitali Kliçkonun verdiyi məlumata görə, 4 nəfər ölüb, 20 sakin yaralanıb. Mülki infrastruktura ziyan dəyib.

Ukrayna isə Rusiyanın Engels aerodromunun yaxınlığında yerləşən yanacaq bazasını atəşə tutub. Saratovun qubernatoru məlumatı təsdiqləyib.

TASS-da yayılan məlumata görə, Rusiyanın hava hücumundan müdafiə sistemi Ukraynaya aid 174 PUA-nı məhv edib. Həmçinin 3 ədəd idarə olunan “Neptun-MD” raketi zərərsizləşdirilib.

Hücuma məruz qalan ərazilər Saratov, Rostov, Bryansk, Voronej, Kaluqa, Kursk, Orlov, Voronej, Tula, Ryazan, Tambov və Belqoroddur. Tambovda 3 nəfərin xəsarət aldığı bildirilir.

Samaranın hava limanında isə uçuş və enişlərə məhdudiyyət qoyulub. Səbəb PUA hücumu təhlükəsinin hələ də olmasıdır.