Küçədən tapılıb kosmosa göndərilən ilk pişiyin hekayəsi

1947-ci ildə ABŞ elmi tədqiqat üçün kosmosa meyvə milçəkləri, 1957-ci ildə isə SSRİ it göndərib. Fransa isə fərqli yanaşaraq küçə pişiklərini seçib.

Fransanın kosmik tibb proqramı CERMA çərçivəsində 14 dişi küçə pişiyi toplanaraq sınaqlardan keçirilib. Onlara ad verilməyib, yalnız nömrələr təyin edilib və beyin fəaliyyətlərini izləmək üçün elektrodlar qoşulub. Pişiklər dar konteynerlərdə saxlanılıb, sentrifuqalarda yüklənmə simulyasiyası ilə sınaqdan keçirilib.

Sonda altı pişik seçilib və onlardan biri ‒ ağ-qara rəngli, “C341” nömrəli pişik uçuş üçün təyin olunub. 18 oktyabr 1963-cü ildə Əlcəzairdəki hərbi poliqondan buraxılan raketlə kosmosa göndərilib. Uçuş 13 dəqiqə davam edib.

Pişiyə sonradan "Felisette" adı verilib. Bir neçə həftə sonra isə o, tədqiqat məqsədilə yuxuya verilib. Təəssüf ki, uçuşun orqanizmə təsiri barədə ciddi məlumat əldə olunmayıb. Felisette uzun müddət unudulub və yalnız sonrakı dövrlərdə insanlıq bu kimi eksperimentlərin mənəvi tərəfini düşünməyə başlayanda yenidən yada salınıb.

2019-cu ildə Strasburqdakı Beynəlxalq Kosmik Universitetin ərazisində Felisetteyə abidə qoyulub.