Kurskda vəziyyət gərginləşdi | Ukrayna hərbçiləri silahı yerə qoydu

Ukrayna Ordusunun 22-ci Mexaniki Briqadasının 24 nəfərdən ibarət bölüyünün şəxsi heyəti avqustun 17-si səhər saatlarında Rusiya tərəfinə təslim olub.

Bu barədə ölkə mətbuatında məlumat verilib.

Bildirilib ki, proses Kursk vilayətinin Komarovka rayonu ərazisində reallaşıb. Onlar silahlarını yerə ataraq rusiyalı hərbçilərin mövqelərinə yaxınlaşıb, təslim olduqlarını elan ediblər.

Ukraynalı hərbçilərin təslim olma prosesi PUA vasitəsilə görüntülənib. Həmin kadrlar Rusiya mətbuatında yayımlanıb.

Qeyd edək ki, avqustun 6-dan etibarən Ukrayna Silahlı Qüvvələrinin Rusiyanın Kursk vilayətinə hücumları başlayıb. Rusiya Ordusu bunun qarşısını almaq məqsədilə antiterror əməliyyatları həyata keçirib. Hərbi qarşıdurma zamanı Ukrayna tərəfindən çox saylı itkilərin olduğu bildirilir.