Liderlər Ukraynada hansı məsələləri müzakirə edəcək? | Kiyev diqqət mərkəzində

Mayın 10-da Fransa, Polşa, Böyük Britaniya və Almaniya liderləri Kiyevə səfər ediblər.

Polşanın Baş naziri Donald Tusku dəmir yolu vağzalında xarici işlər naziri Andrey Sibiqa və Prezident Administrasiyasının rəhbəri Andrey Yermak qarşılayıblar. Tuskla birlikdə paytaxta qatarla Almaniyanın yeni Kansleri Fridrix Merts, Böyük Britaniyanın Baş naziri Kir Starmer və Fransa Prezidenti Emmanuel Makron da gəliblər.

Dəmir yolu vağzalında təhlükəsizlik tədbirləri ciddi şəkildə gücləndirilib. Həmçinin Starmer, Makron və Mertsin Kiyevə səfəri zamanı çəkilən kadrları da yayılıb.

Prezident Administrasiyasının rəhbəri Andrey Yermak bildirib ki, Ukraynanın paytaxtında “qətiyyətlilər koalisiyası”nı salamlamaqdan məmnundurlar. Onun sözlərinə görə, tərəfləri çoxlu iş və müzakirə olunmalı bir sıra mövzular gözləyir.

“Bu müharibəyə ədalətli bir sülhlə son qoymaq, Moskvanı atəşkəsə getməyə məcbur etmək lazımdır”, – deyə Yermak qeyd edib.

Makron bildirib ki, sülh sazişi Ukraynanın təhlükəsizliyinə zəmanət verməlidir: “Bu, üzərində işlədiyimiz məsələdir. Birlikdə irəliləyirik”.

Qeyd edək ki, Avropa liderləri birgə bəyanatlarında ABŞ Prezidenti Donald Trampın 30 günlük tam və qeyd-şərtsiz atəşkəs çağırışını dəstəklədiklərini bildiriblər.