Livandakı atəşkəsin Qəzza bölgəsinə təsiri | Ağ Ev rəsmi daha nələri danışdı?

“Livanda atəşkəs razılaşmasının əldə edilməsi Fələstinin HƏMAS hərəkatına təzyiq edir və onu Qəzza zolağında atəşkəs mümkünlüyünü yenidən nəzərdən keçirməyə məcbur edir”.

Bunu ABŞ Prezidentinin köməkçisi Ceyk Sallivan deyib.

“Düşünürəm ki, HƏMAS təzyiqi hiss edir. Çünki onların əsas ortaqlarından biri olan “Hizbullah” atəşkəslə bağlı danışıqlar aparıb. Düşünürdülər ki, “Hizbullah” sona qədər onlarla olacaq. Onlar əlbəttə ki, təzyiq hiss edirlər, çünki onların əsas lideri Yəhya Sinvar öldürülüb. Beləliklə, indi onlar girovlarla bağlı atəşkəs razılaşmasının mümkünlüyünü yenidən qiymətləndirə bilərlər. Biz buna nail olmaq üçün İsrail, Türkiyə, Qətər və Misir də daxil olmaqla regionun bütün əsas oyunçuları ilə fəal şəkildə əlaqə saxlayırıq. Biz buna mümkün qədər tez nail olmaq üçün yaxın günlərdə və hətta bu gün məsləhətləşmələr olacaq”, – deyə o qeyd edib.

2025-ci il yanvarın 20-də ABŞ-nin yeni seçilmiş prezidenti Donald Trampın andiçmə mərasimindən əvvəl İsrail və HƏMAS arasında razılıq əldə etməyin mümkün olub-olmaması ilə bağlı suala C.Sallivan belə cavab verib: “Düşünürəm ki, indi atəşkəs qərarının asılı olduğu əsas oyunçu HƏMAS-dır”.