Londonun bu qərarı aranı qarışdırdı | İsrail tək qaldı?

Böyük Britaniyanın keçmiş Baş naziri Boris Conson ölkə hökumətini İsrailə bir sıra silahların tədarükü üçün lisenziyaları dayandırmaq qərarına görə tənqid edib.

Bu barədə o, “X” sosial şəbəkə hesabında yazıb.

B.Conson qeyd edib ki, London HƏMAS-la münaqişədə İsraili tək qoyur:

“İsrail 7 oktyabr 2023-cü il hadisələrinin təkrarlanmasının qarşısını almağa çalışır, HƏMAS isə girovları saxlamağa davam edir. Britaniya hakimiyyəti niyə yəhudi dövlətini tərk etdi? Onlar HƏMAS-ın qalib gəlməsini istəyirlər?”.

Xatırladaq ki, Britaniya hakimiyyəti bəzi silahların beynəlxalq hüquq normalarını pozaraq istifadə oluna biləcəyindən narahat olduğu üçün İsrailə ixracını dayandırmaq qərarına gəlib.