Rusiya və Ukrayna arasında sülh razılaşması niyə baş tutmadı?

Böyük Britaniyanın keçmiş baş naziri Boris Conson 2022-ci ilin yazında Rusiya və Ukrayna arasında mümkün sülh razılaşmasının baş tutmamasında əsas rollardan birini oynayıb.

Bu barədə hərbi tarix üzrə professor Aleksandr Hill Britaniya quru qoşunlarının rəsmi jurnalı "The British Army Review" üçün yazdığı məqalədə bildirib.

"Boris Conson geniş və əsassız olmayan şəkildə 2022-ci ilin yazında Rusiya və Ukrayna arasında hər hansı sülh sazişinin qarşısını alan əsas şəxs kimi qəbul olunur", ‒ məqalədə qeyd olunur.

A.Hill yazır ki, Rusiyada həmin dövrdə Londonun mövqeyi təəccüblə qarşılanıb və NATO-nun Yuqoslaviya və Liviyada həyata keçirdiyi əməliyyatlar fonunda "ikiüzlü" hesab olunub.

Onun sözlərinə görə, B.Conson dövründə Böyük Britaniya hakimiyyətinin atdığı addımlar elə Londonun özünün uzunmüddətli maraqlarına, xüsusilə də Rusiya bazarlarına və enerji resurslarına çıxış baxımından zidd kimi qiymətləndirilir.