Lukaşenko xəbərdarlıq etdi | Dil məsələsi ciddi gərginliyə səbəb olacaq?

Belarus Prezidenti Aleksandr Lukaşenko postsovet ölkələrində rus dilinin sıxışdırılması və dil bərabərliyinin pozulması ilə bağlı növbəti dəfə sərt xəbərdarlıq edib. Baku TV-nin təqdim etdiyi reportajda bildirilir ki, Lukaşenko dil məsələsinin gələcəkdə regionda ciddi siyasi gərginliyə və hətta münaqişələrə səbəb ola biləcəyini vurğulayıb. O, Ukrayna nümunəsini çəkərək, dil amilindən siyasi alət kimi istifadə edilməsinin cəmiyyətdə parçalanma yaratdığını qeyd edib. Lukaşenkonun fikrincə, rus dilindən imtina cəhdləri keçmiş SSRİ respublikaları arasında mədəni və iqtisadi bağların qırılmasına xidmət edir. Belarus liderinin bu çıxışı Mərkəzi Asiya və Qafqaz ölkələrindəki mövcud dil tendensiyaları fonunda rəsmi Moskvaya dəstək mesajı kimi qiymətləndirilir. Regionun gələcək sabitliyi üçün "dil bombası" nə dərəcədə təhlükəlidir? Lukaşenkonun sensasion açıqlamaları Baku TV-də.