Lukaşenkodan Qərbə sərt xəbərdarlıq | Öz payımızdan da kiməsə vermərik
“Belarus müharibəyə tam hazırdır”.
Bu fikirləri Belarus Prezidenti Aleksandr Lukaşenko deyib.
Dövlət başçısı hansı ölkə ilə müharibə edə biləcəyini və səbəblərini açıqlamasa da, verdiyi bəyanatdan hər növ gərginliyə hazır olduğu bəllidir:
"Heç kimə inanmayın ki, biz guya müharibə istəyirik. Biz sadəcə müharibəyə hazırlaşırıq və bunu açıq deyirəm. Sülh istəyirsənsə, müharibəyə hazır olmalısan. Bu fikirləri məndən öncə deyənlər çox haqlıdırlar.
Əgər oradan dost olmayan ölkələrdən kimsə qışqırıb bizi tənqid edirsə, bilin ki, biz düzgün iş görürük. Əgər orada bizi tərifləməyə başlasalar, əsl fəlakət onda olar. Anlamaq lazımdır ki, onların bizi tərif etdikləri gün siyasi gedişatımızı dəyişməliyik. Biz heç kimi təhdid etmirik, nə də başqasının torpağında gözümüz var. Amma öz payımızdan da kiməsə vermərik”.
Belarus Prezidenti onu da bildirib ki, respublikada müvafiq bölmələrə lazımi təlimlər keçirilib, ordu qoşunları isə müxtəlif növ silah və texnika ilə təchiz edilib.