Lukaşenkodan qlobal münaqişə açıqlaması

Belarus Prezidenti Aleksandr Lukaşenko “Vaqner” özəl hərbi şirkətinin rəhbəri Yevgeni Priqojinin Belarusda olduğunu təsdiqləyib.

Yerli medianın məlumatına görə, A.Lukaşenko Y.Priqojinin dəqiq yerini açıqlamayıb. O qeyd edib  ki, Y.Priqojinin Belarus Ordusuna təsiri olmayacaq. A.Lukaşenko bildirib ki, Rusiya dağılsa, dağıntılar altında qalacağıq, hamımız öləcəyik.

"Ən pisi odur ki, qarışıqlıq olsaydı, Qərb dərhal bundan istifadə edərdi. Yeni qlobal münaqişə təhlükəsi heç vaxt indiki qədər yaxın olmayıb. Yenə də ölkəmizi, bütün regionumuzu partlatmağa, insanları çaşdırmağa, vəziyyəti hər vasitə ilə sarsıtmağa və bu hay-küy altında öz qaydalarını tətbiq etməyə, öz nizamlarını qurmağa çalışırlar. O nizam-intizam ki, orada artıq nə bizim ölkələrimiz, nə də xalqlarımız olacaq. Bizi kollektiv Qərbin real planları və niyyətləri barədə çaşdırmağa çalışırlar.

Təəssüflər olsun ki, bizim vəziyyəti dinc danışıqlar yolu ilə həll etmək cəhdlərimizə indi orada "diplomatik imitasiya” deyirlər. Bu "imitasiya”nın qiyməti yüzlərlə, minlərlə insanın həyatına başa gəlir. Bu gün biz NATO-nun yeni genişlənməsi dalğasını və alyans üzvlərinin regionda, o cümlədən sərhədlərimizin bilavasitə yaxınlığında potensialının görünməmiş şəkildə artırılmasını açıq şəkildə görürük", – deyə Belarus Prezidenti vurğulayıb.