Maaş və subsidiyalar artır | Bu ölkə böyük məbləğdə iqtisadi təşviq paketinə hazırlaşır

Yaponiya hökuməti 21,9 trilyon yen, yəni 141,2 milyard ABŞ dolları dəyərində iqtisadi stimullaşdırma paketi qəbul etmək niyyətindədir ki, bunun da böyük hissəsi subsidiyalara və əməkhaqqının artırılmasına yönəldiləcək.

Bu barədə Yaponiyanın NHK ictimai televiziyası xəbər yayıb.

Telekanalın məlumatına görə, yaxın vaxtlarda yeni iqtisadi tədbirlər paketi rəsmən elan ediləcək. Buraya xüsusən də elektrik enerjisi və mavi yanacaq haqqını ödəmək üçün yerli sakinlərin subsidiyaları daxildir.

Müvafiq vəsaitin ayrılması üçün hakimiyyət orqanları cari maliyyə ili üçün təcili olaraq əlavə büdcə qəbul etmək niyyətindədir.

Son illərdə xammal və enerji qiymətlərinin artması fonunda Yaponiyanın hakimiyyət orqanları milli iqtisadiyyatın və yerli əhalinin dəstəklənməsi üçün tədbirləri tədricən genişləndirir.

Söhbət ilk növbədə elektrik enerjisi haqqının ödənilməsi ilə bağlı subsidiyalardan gedir. 2023-cü ildə onlar üçün 39 trilyon yen – 266 milyard dollardan çox vəsait ayrılıb.