Pleyeri seçin:
Makron təhqir edildi
Fransada Valeri adlı qadın prezident Emmanuel Makronu “Facebook”dakı paylaşımında “zibil” adlandırdığına görə mühakimə olunacaq.
Bu barədə ölkənin şimalındakı Sen-Omer şəhərinin prokuroru Mehdi Benbuzid məlumat verib. Onun sözlərinə görə, iyun ayına təyin edilən məhkəmədə qadının təqsiri sübuta yetirilsə, 12 min avro cərimələnəcək.
Qeyd olunub ki, 50 yaşlı Valeri “Facebook”dakı paylaşımından sonra sorğu-sual olunmaq üçün nəzarətə götürülüb.
Xatırladaq ki, qadın E.Makronu mübahisəli pensiya islahatını müdafiə etmək üçün TF1-ə müsahibə verməsindən bir gün əvvəl – martın 21-də “Facebook” səhifəsindəki paylaşımında təhqir edib. "Bu zibil parçası sizin üçün saat 13:00-da çıxış edəcək. Biz bu zibili həmişə televizorda görürük", - deyə Valeri qeyd edib.
Kopyalandı
#Emmanuel Makron teqi istifadə olunub
Seçilmişlər
