Malatyada zəlzələ anı : Sürünərək can qurtarmağa çalışdılar

Türkiyənin Malatya bölgəsində baş verən zəlzələ ilə bağlı yeni görüntü ortaya çıxıb.

Minlərlə insanın həlak olması ilə nəticələnən təbii fəlakətdə binalara da ciddi ziyan dəyib. Həmin binaların ardıcıl dağılması anbaan kameralara düşüb.

Kameraların yaddaşında öz əksini tapan başqa bir videoda isə zəlzələnin təsirindən yeriyə bilməyən adamın iməkləyərək hərəkət etməsi görünür.

Xatırladaq ki, fevralın 6-da Türkiyənin müxtəlif bölgələrində zəlzələ baş verib. Baş verən təbii fəlakət nəticəsində ölənlərin sayı 35 mini keçib. Yaralıların sayı da getdikcə artır.