Mask onu məhv etdi | "Tesla" avtomobilləri ilə bağlı qalmaqallı iddia

ABŞ-nin Nevada ştatının Las-Veqas şəhərində "Tesla" avtomobillərinin olduğu servis mərkəzinə hücum edilib və bir neçə nəqliyyat vasitəsi qəsdən yandırılıb.

Yerli mətbuatın xəbərinə görə, gecə saatlarında baş verən yanğın qısa müddət ərzində bütün ərazini bürüyüb.

Yanğınsöndürənlər hadisə yerinə cəlb olunsa da, bir neçə avtomobil tamamilə yanaraq yararsız hala düşüb.

"Tesla" şirkətinin qurucusu və baş direktoru İlon Mask hücuma sərt reaksiya verib. O, baş verənləri "terrorizm" adlandıraraq, bunun "Tesla"nın fəaliyyətini dayandırmağa yönəlmiş bir addım ola biləcəyini vurğulayıb.

Bu arada, "Financial Times" S3 Partners analitik şirkətinin məlumatlarına istinadən yazır ki, "Tesla" dekabrın 17-dən bəri bazar kapitallaşmasını 700 milyard dollardan çox itirərək İlon Maskın sərvətini 100 milyard dollardan çox azaldıb.

Qeyd edək ki, İ.Mask son illərdə açıq bəyanatlarına, Avropada ifrat sağçı siyasi partiyaları dəstəklədiyinə və ABŞ Hökumətin Səmərəliliyi Departamentinin rəhbəri kimi xərclərin azaldılmasına görə tənqidlərlə üzləşib.

"Clean Energy Transition" hedcinq fondunun idarəedici ortağı Per Lekander İ.Maskı uğursuzluqda ittiham edib. O, "Tesla" çox yüksək bir marka dəyərinə sahib idi, lakin İlon onu tamamilə məhv etməyi bacardı", – deyib.

Onu da bildirək ki, "Tesla"nın səhmlərinin azalması ilə treyderlər 2024-cü il dekabrın ortalarından 16,2 milyard dollar həcmində reallaşdırılmamış mənfəət əldə ediblər.