Dünya
Pleyeri seçin:
Medvedev raket hücumundan video paylaşıb Ukraynaya meydan oxudu
Rusiya Təhlükəsizlik Şurasının sədr müavini Dmitri Medvedev “Oreşnik” ballistik raketinin noyabrın 21-i axşam saatlarında Ukraynanın Dnepropetrovsk şəhərindəki Yujmaş zavodunu vurması anını əks etdirən video yayımlayıb.
Siyasətçi sözügedən görüntüləri “X” sosial şəbəkəsindəki hesabında paylaşıb.
“Yəni istədiyiniz bu idi? Yaxşı cavab aldınız! Hipersonik ballistik raketin hücum anı”, – deyə D.Medvedev paylaşımında bildirib.
Yayılan görüntülərdə döyüş başlıqlarından çıxan alovlu izlərin yüksək sürətlə əraziyə düşdüyü görünür.
Qeyd edək ki, Rusiya Prezidenti Vladimir Putin xalqa müraciəti zamanı bildirib ki, Rusiya Federasiyası Ukrayna tərəfindən ABŞ və Böyük Britaniyanın uzaqmənzilli raketlərinin hücumlarına cavab olaraq Ukraynadakı hədəfləri ən son ortamənzilli ballistik raketlərlə vurub.
Kopyalandı
Seçilmişlər
