Medvedev Rusiyanın əsl niyyətini açıqladı | Danışıqlar bizə Ukrayna hökumətini...

“Rusiya Ukraynanın tam məhv edilməsini istəyir. Bu səbəbdən Moskva sülh danışıqları və müharibənin dayandırılmasında maraqlı deyil”.

ABŞ-nin Müharibənin Öyrənilməsi İnstitutu belə qənaətə gəlib. Səbəb isə Rusiyanın Təhlükəsizlik Şurasının sədr müavini Dmitri Medvedevin bəyanatıdır.

O bildirib ki, İstanbul danışıqları Rusiyaya kimlərinsə real olmayan şərtlərlə təklif etdiyi kompromisli sülh üçün yox, qısa zamanda qələbə qazanmaq və Ukrayna hökumətini məhv etməyə görə lazımdır.

Müharibənin Öyrənilməsi İnstitutunun analitikləri Kremlin sözçüsü Dmitri Peskovun da bəyanatına diqqət yetiriblər.

Peskovun “Rusiyanın memorandumu savaşın ilk səbəblərinin aradan qaldırılmasına istiqamətlənib və danışıqların növbəti raundundan ani qərarların verilməsini gözləmək lazım deyil” sözləri də şərh edilib.

Bütün bunlar Rusiyanın kompromisə köklənmədiyini göstərir. Kremlin əsas niyyəti Ukraynanın kapitulyasiyasıdır.

Amerikalı analitiklər yaxın zamanlarda Vladimir Putin, Donald Tramp və Volodimir Zelenski arasında görüşün keçiriləcəyinə də inanmırlar.