Medvedevdən Zelenskiyə sərt sözlər | Ukraynanın daha da ağır vəziyyətə düşməsinə səbəb olacaq…

Rusiya Təhlükəsizlik Şurası sədrinin müavini Dmitri Medvedev Ukrayna Prezidenti Volodimir Zelenskinin gələcək seçkilərdə məğlubiyyətə uğrama ehtimalını nəzərə alaraq, Ukraynanın danışıqlara başlamağını daha da gecikdirəcəyini və yalanlar yaymağa davam edəcəyini qeyd edib.

D.Medvedevin fikrincə, Volodimir Zelenski bu yolla həmçinin müharibəyə yeni cavanları göndərmək üçün addımlar atacaq.

D.Medvedev Ukrayna rəhbərliyinin Rusiyaya qarşı mübarizə aparmaq üçün öz xalqını daha çox fədakarlığa məcbur etməyə çalışacağını, amma bunun nəticədə yalnız Ukraynanın daha da ağır vəziyyətə düşməsinə səbəb olacağını bildirib. O həmçinin V.Zelenskinin qərarlarının yalnız öz siyasi maraqları ilə əlaqəli olduğunu və xalqının real vəziyyətinə biganə yanaşdığını vurğulayıb.

D.Medvedevin bu açıqlamaları Ukraynanın gələcək siyasi kursu və danışıqların perspektivləri barədə həm ölkə daxilində, həm də beynəlxalq arenada müzakirələri daha da qızışdırıb. Rusiya tərəfi bu vəziyyətdə Ukraynanın sülhə yanaşma ilə bağlı hər hansı real addım atmaması nəticəsində danışıqların başlanmasının uzun müddətə təxirə salınacağı ehtimalını da irəli sürür.