Mənzil qiymətlərinin artması Portuqaliyada genişmiqyaslı etiraz dalğası yaradıb - Baku TV
Yeniliklərdən dərhal xəbərdar olun
On minlərlə insan Portuqaliyanın 30-dan çox şəhər və yaşayış məntəqəsində mənzil və kirayə qiymətlərinin sürətlə artmasına qarşı etiraz aksiyaları keçirir.
Yürüşlər “Mənzil hüququmuzun əlimizdən alınmasına icazə verməyəcəyik!” şüarı altında keçirilib.
Aralarında gənclər və təqaüdçülərin də olduğu aksiya iştirakçıları kirayə qiymətlərinin artımının məhdudlaşdırılmasını, kirayəçilərin evdən çıxarılmaya qarşı hüquqi müdafiəsinin gücləndirilməsini və əlçatan mənzil təklifinin artırılmasını tələb ediblər.
Məlumata görə, 2015–2025-ci illərdə Portuqaliyada mənzil qiymətlərinin gəlirlərə nisbəti 61 % artıb ki, bu da Avropa İttifaqı ölkələri arasında ən yüksək göstəricidir.
Bundan əlavə, 2020-ci ildən bəri ölkədə kirayə haqqı 68 % bahalaşıb. Daşınmaz əmlakın dəyərinin artması xüsusilə xarici alıcıların və investisiya fondlarının aktivliyi, Portuqaliyanın frilanserlər və təqaüdçülər arasında populyarlığı, həmçinin turizm sahəsinin və qısamüddətli kirayənin inkişafı ilə əlaqələndirilir.
Hakimiyyət mənzil böhranının həlli üçün yeni tikililərə vergilərin azaldılması, qısamüddətli kirayəyə məhdudiyyətlərin qoyulması və 145 min evin inşası planları da daxil olmaqla görüləcək tədbirləri açıqlayıb.
Bununla yanaşı, hökumət bu tədbirlərin nəticələrinin dərhal özünü göstərməyəcəyini bildirib.
#Portuqaliya teqi istifadə olunub
- İstanbul Bəyannaməsi imzalandı | Yaxın Şərqdə gərginlik artır | Trampdan çağırış - YENİ BİR SƏHƏR
- Ronaldonun vətənində heç nə göründüyü kimi deyil | Qeybətcil əhalisi olan ada - ORALARDA NECƏDİR?
- Portuqaliyada kütləvi etiraz aksiyası keçirildi
- Lissabonda mənzil qiymətlərinin artmasına etiraz
- Koimbra bölgəsində bəndin çökməsi daşqınlara səbəb olub
