Milyarderlər ömrü uzadan dərman yaratmaq istəyirlər
Milyarderlər bazara çıxacaq ömrü uzadan həblərin yaradılmasını maliyyələşdirirlər.
Bununla belə, “SmartWater Group”un qurucusu hesab edir ki, bu, zənginləri “qəşəng, imtiyazlı zombilərə” çevirəcək. ABŞ-dən olan maqnatlar isə bunun üçün investisiya ayırırlar.
“Amazon”un baş direktoru Ceff Bezosun 2021-ci ildə rusəsilli milyarder Yuri Milnerlə birlikdə qurduğu biotexnoloji şirkət qocalma prosesini ləngitməyin yollarını araşdırmaq üçün ən yaxşı alimləri işə götürüb.
“PayPal”ın həmtəsisçisi Peter Tiel özünü “90 ili yeni 50-yə çevirərək bir insanın sağlam ömrünü uzatmağa yönəlmiş qeyri-kommersiya tibbi xeyriyyə təşkilatı” kimi xarakterizə edən “Methuselah Foundation”a sərmayə qoyub. Fondun məqsədləri arasında yeni orqanlar, qan damarları və sümüklər yarada bilən texnologiyalar ixtira etmək, orqanizmdən “dağıdıcı bioloji strukturları” çıxarmaq və yaşlı insanlarda idrak və fiziki qabiliyyəti bərpa etmək də var.
“Retro BioScience” biotexnoloji startapına isə “ChatGPT”nin qurucusu Sem Altman 180 milyon dollar maliyyə ayırıb. Bu startap “hüceyrəvi yenidən proqramlaşdırmaya” diqqət yetirir və insan ömrünü 10 il uzatmağı vəd edir.
#Uzunömürlülük teqi istifadə olunub
- Bu 5 sadə vərdişlə daha uzun yaşamaq mümkün imiş
- “Bunlardan uzaq durun, çalışın ki...” | 89 yaşlı Oğuz sakinindən gənclərə məsləhət
- Yaşa bağlı xəstəlikləri bu testlə bilmək olarmış | Alimlərdən heyrətləndirici araşdırma
- Bunları edənlər daha uzun yaşayır | Bu tədqiqat ortaya çıxardı ki...
- Uzun və sağlam yaşamaq istəyirsinizsə, bunları mütləq bilin
