Minlərlə insan buna görə öldü | Rusiya Ordusuna verilən qalmaqallı əmr

“Rusiya Ordusu Ukrayna ilə müharibədə qadağan olunan kimyəvi silahlardan istifadə edir. Niderlandın xüsusi xidmət orqanları bununla bağlı dəlillər toplayıb”.

Bunu “Reuters”ə açıqlamasında Niderlandın müdafiə naziri Ruben Brekelmans deyib.

Bu silahlar minlərlə ukraynalının ölümünə səbəb olub. Kimyəvi silahların istifadəsinin qarşısını almaq üçün Rusiyaya təzyiq artırılmalıdır.

Niderland hərbi kəşfiyyatının rəhbəri Piter Risink bildirib ki, Rusiya Ordusunun hərbçilərinə kimyəvi, zəhərli silah-sursatdan istifadə əmri verilib.

Xatırladaq ki, Rusiya döyüşlərdə xlorpikrindən istifadə etdiyi üçün 2024-cü ilin mayında ABŞ-nin sanksiyaları ilə üzləşib. 2024-cü ilin oktyabrında isə Böyük Britaniya kimyəvi silah istifadəsinə görə Rusiyanın 3 müəssisəsinə qarşı məhdudiyyət tətbiq edib.