Moskvada erməni biznesmenin başına oyun açdılar | Qaçırılan şəxsin aqibəti necə oldu?

04 iyun 2025 405 baxış

İyunun 3-ü günorta saatlarında Moskvada Yaroslavski dəmir yolu vağzalı yaxınlığında bir qrup şəxs erməni biznesmen Areq Şepixini qaçırıb.

Bu barədə sosial şəbəkələrin Rusiya seqmentində məlumat yayılıb.

Yayımlanan videolardan görünür ki, qarageyimli şəxslər A.Şepixini əllərindən və ayaqlarından tutaraq aparıb avtomobilin yük üçün nəzərdə tutulan hissəsinə yerləşdiriblər.

Oğurlanan şəxs qışqıraraq ətrafdakı insanlardan kömək istəyib, onu tutanların polis əməkdaşları olmadıqlarını bildirib.

Məlumatda qeyd edilib ki, avtomobilin nömrə nişanı Rusiyanın Federal Təhlükəsizlik Xidmətində qeydiyyatdan keçib. Daha sonra isə məlum olub ki, 39 yaşlı A.Şepixin bir neçə gün öncə “Instagram” səhifəsində çeçenləri, Allahı və “Quran”ı təhqir edən bir neçə video yayımlayıb.

Bundan sonra çeçen blogerlər həmin şəxsin tapılmasını tələb ediblər. Hazırda oğurlanan erməninin taleyi haqqında heç nə məlum deyil.

#Rusiya