İrəvandan gələn açıqlama diqqət çəkdi
Yeniliklərdən dərhal xəbərdar olun
Ermənistan hakimiyyəti Rusiyadakı müəyyən dairələrin ölkədəki müxalif qüvvələrə dəstək verdiyini iddia edib. Bununla belə, rəsmi İrəvan Moskva ilə siyasi və iqtisadi münasibətləri yüksək səviyyədə saxlamaqda maraqlı olduğunu bildirir.
Bu barədə Ermənistanın iqtisadiyyat naziri Gevorq Papoyan jurnalistlərə açıqlamasında danışıb.
Nazir bildirib ki, Ermənistan hakimiyyəti Rusiya ilə münasibətlərin həm iqtisadi, həm də siyasi baxımdan yüksək səviyyədə qalması üçün maksimum səy göstərir.
"Biz Ermənistan–Rusiya münasibətlərinin ən yüksək səviyyədə qalması üçün əlimizdən gələni edirik və hesab edirəm ki, düzgün davranırıq", – deyə Papoyan vurğulayıb.
Jurnalistlərin Rusiyada Ermənistan müxalifətinin müəyyən qüvvələrini dəstəkləyən dairələrin olub-olmaması barədə sualına nazir müsbət cavab verib. Papoyan belə dairələrin mövcudluğunu təsdiqləsə də, konkret ad çəkməyib.
"Əslində, mənim fikrimcə, bu dəstək kommunal xidmət idarəsi səviyyəsində həyata keçirilir. Bəlkə bir qədər yuxarı, bəlkə də aşağı səviyyədə", – deyə nazir bildirib.
Bu ifadə ilə Papoyan müxalifətə verilən dəstəyin Rusiya dövlətinin ən yüksək siyasi rəhbərliyi səviyyəsində həyata keçirilmədiyinə eyham vurub. Nazir qeyd edib ki, Ermənistan həmin dairələrlə münasibətlərə qarışmadan Rusiya ilə əlaqələrini davam etdirməyi öyrənməlidir.
Papoyan əlavə edib ki, İrəvan Rusiyanı tərəfdaş dövlət hesab edir. Onun sözlərinə görə, iki ölkənin bir çox məsələlərdə mövqeləri üst-üstə düşsə də, müəyyən fikir ayrılıqları mövcuddur.
#Ermənistan teqi istifadə olunub
- Almaniya Cənubi Qafqazda Avropanın təsirini artırmaq istəyir?
- Avropa Cənubi Qafqazda daha çox söz sahibi olmaq istəyir? - AKTUAL GÜNDƏM
- Azərbaycanla bağlantı təmin olunmasa, layihənin heç bir məntiqi yoxdur | Ceyhun Bayramov- Baku TV
- Əvvəl deportasiya, sonra tam qovulma | Kənddə azərbaycanlılardan nə iz qaldı?
- Ermənistanda hər 28 nəfərdən biri Rusiyaya niyə gedib? - Baku TV CANLI
