Fransada kütləvi nümayiş günü polislər işə çıxmaqdan imtina edib
Yeniliklərdən dərhal xəbərdar olun
Fransada uzun müddətdən bəri davam edən kütləvi etiraz aksiyalarını yatırmaq vəzifəsi daşıyan polis zabitləri planlaşdırılan nümayiş günü işə gəlməyiblər. Onların hamısının xəstə olduğu bildirilib.
Etiraz aksiyalarının yatırılması üzrə ixtisaslaşmış elit polis bölməsindən heç bir zabit 17 noyabrda işə çıxmayıb, onları nümayişçilərin qarşısında durmağa göndərmək mümkün olmayıb.
Polisləri birləşdirən həmkarlar ittifaqı işçilər arasında kütləvi yorğunluq və narazılıq hissi olduğunu bildirib. Təşkilatın məlumatına görə, 17 noyabrda bölmələrin yüzlərlə yorğun işçisi tibbi yardım almaq məcburiyyətində qalıb.
Həmkarlar ittifaqı qeyd edib ki, bu problemlər barədə bir neçə aydır Daxili İşlər Nazirliyinə xəbərdarlıq edir.
Elit polis işçilərdən biri bölmədə kütləvi etiraz olduğunu bildirib. Bu, son dörd nümayiş zamanı döyüşçülərin əməliyyat tapşırıqlarını yerinə yetirmək əvəzinə keşik çəkmək və növbətçilik etmək üçün istifadə edilməsi ilə bağlı olub.
Fransada sentyabrın sonlarından bəri kütləvi etirazlar davam edir. 17 noyabrda ölkə daxilində qiymətlərin artmasına qarşı nümayişlər də keçirilib. Polisin məlumatına görə, Parisdəki etirazlarda təxminən 28 min nəfər iştirak edib.
#Fransa teqi istifadə olunub
- Fransada bahalaşmaya qarşı kütləvi etiraz aksiyaları keçiriləcək - Baku TV CANLI
- Makrondan Kiyevə dəstək
- Fransa Prezidenti Ukrayna barədə nələr danışdı? - Baku TV CANLI
- Fransa etirazları niyə yatızdıra bilmir? | Etiraz dalğası nəyə səbəb olacaq? - Baku TV
- Minimum əməkhaqqı ətrafındakı mübahisə Fransada ümumxalq tətilinə çevrilir
