Moskvadakı terrorda görün nələr oldu | Diqqət çəkən məqamlar

Moskvada "Crocus City Hall"a hücumun xronologiyasına nəzər salanda, bir sıra maraqlı məqamlar ortaya çıxır.

Belə ki, terrorçular sözügedən binada cəmi 18 dəqiqə olublar. Saat 19:55-də binanın girişinin qarşısında ağ rəngli “Renault Simbol” markalı avtomobil dayanır. Maşından düşən pulemyotlu terrorçular binaya tərəf qaçır, insanlara atəş açır və mühafizəçiləri öldürürlər.

Saat 20:03-də onlar konsert zalına çatıblar, qarşılarına çıxan hər kəsi öldürüb və oturacaqları yandırmağa başlayıblar. Hücum edənlərin bel çantalarında benzin qabları olub.

Hücumun əvvəlində hadisədən yayınanlar xidməti çıxışlar vasitəsilə, şüşələri sındırmaqla binadan qaçmağa çalışıblar.

Saat 20:13 radələrində içərisində dörd silahlı olan ağ rəngli "Renault Simbol" markalı avtomobil "Krokus Siti Holl”un dayanacağını tərk edib. Bundan sonra hadisə yerinə təhlükəsizlik qüvvələri gəlib.