Moskvadakı terrorda Ukraynanın əli var? | Rusiyadan təcili məlumat

"Crocus City Hall" terrorçuları ilə Ukrayna xüsusi xidmət orqanları arasında əlaqə olduğuna dair sübutlar əldə edilib.

Bu barədə Rusiya Federasiyasının İstintaq Komitəsi məlumat yayıb.

Bildirilib ki, sübutlar saxlanılan terrorçularla iş, onlardan götürülən qadcetlərin öyrənilməsi və maliyyə əməliyyatları haqqında məlumatların təhlili nəticəsində əldə edilib. İstintaqda "Crocus City Hall"da terror aktı törədənlərin Ukraynadan xeyli miqdarda pul və kriptovalyuta aldıqları barədə məlumat olduğu açıqlanıb.

Bu arada "Crocus City Hall"a hücum edən terrorçuları maliyyələşdirmək planında iştirak edən daha bir şübhəli müəyyən edilərək saxlanılıb.