Müdafiə Nazirliyinin keçmiş binası partladıldı | Ermənistan

Ermənistan Müdafiə Nazirliyinin keçmiş binası hökumətin qərarı ilə partladılıb. Bu barədə yerli mətbuatda məlumat verilib.

Bildirilir ki, sözügedən ərazidə Dövlət Gəlirləri Komitəsinin inzibati binasının tikilməsi və Xarici İqtisadi Fəaliyyət Mərkəzinin yaradılması planlaşdırılır.

Yerli medianın xəbərinə görə, Müdafiə Nazirliyi indiki binaya köçürüldükdən sonra burada evi olmayan ailələr məskunlaşıb. 2023-cü ildə binaya baxış keçirilib və onun qəzalı olması barədə rəy hazırlanıb.

Daha sonra hökumət həmin il aprelin 15-də tikilinin sökülməsinə qərar verib. Həmin qərar aprelin 17-si səhər saatlarında icra edilib.