Müharibə və etiraz: Yaxın Şərqdə kritik anlar

İsrail Qəzza zolağındakı xəstəxanaya zərbələr endirib. Azı 34 nəfərin öldüyü bildirilir, 18 fələstinli yaralanıb.

Ən çox tələfat Xan Yunisdə qeydə alınıb. Bəzi sakinlər sığındıqları çadırlarda həlak olublar.

İsrailin zərbələri nəticəsində “Reuters”, “Associated Press” və “Al Jazeera”nin 5 jurnalisti də ölüb.

Təl-Əvivdə isə insanlar Qəzza zolağında aparılan hərbi əməliyyatlara etiraz ediblər. Əsas çağırış HƏMAS ilə razılığın əldə olunmasından ibarətdir. Belə ki, insanlar Benyamin Netanyahunu girovları qaytarmağa və müharibəni dayandırmağa səsləyiblər.

İsrail sakinləri Qüdsdə Baş nazirin ofisinin yanında da etiraz ediblər. Aksiya zamanı Benyamin Netanyahunun nazirlərlə iclası keçirilirdi. Nümayişə toplaşanların şüarları Təl-Əvivdəki aksiyadan seçilməyib. Belə ki, Benyamin Netanyahu HƏMAS ilə danışıqlar və razılığın əldə olunmasına çağırılıb.