Müharibədə baş verənlər Rusiyanı silkələdi | Hücumla bağlı təcili açıqlama - Baku TV

Ukrayna Silahlı Qüvvələri Rusiyanın Krasnodar diyarındakı “Tuapse” neft emalı zavoduna yenidən hücum edib və nəticədə, güclü yanğın baş verib.

Ukrayna Silahlı Qüvvələrinin Baş Qərargahı bu haqda məlumat yayıb.

“Rusiyanın hərbi-iqtisadi potensialının azaldılması çərçivəsində aprelin 28-nə keçən gecə Ukrayna Müdafiə Qüvvələrinin bölmələri tərəfindən Krasnodar diyarındakı “Tuapse” NEZ-ə təkrar zərbə endirilib”, – deyə Baş Qərargahdan bildirilib.

Məlumata görə, pilotsuz uçuş aparatları (PUA) zavodun ərazisinə düşüb və ardınca yanğın qeydə alınıb. Dəymiş ziyanın miqyası dəqiqləşdirilir.

Həmçinin Ukrayna hərbçiləri ilhaq olunmuş Krımda, Oxotniçye ərazisində “Ay-Petri” radiotexniki taborunun radiolokasiya stansiyasını vurublar.

Rusiya Prezidentinin mətbuat katibi Dmitri Peskov bildirib ki, bu istiqamətdə intensiv iş aparılır:

“Lakin Kiyev rejiminin zərbələri nəticəsində hansı obyektlərin vurulduğu ilə bağlı məlumatlar məxfidir və biz onları ictimaiyyətə açıqlamayacağıq. Fəsadların aradan qaldırılması üçün müvafiq səviyyədə tədbirlər görülür. Ümumilikdə bu vəziyyətlə bağlı deyə biləcəyim hər şeyi artıq demişəm. Əlavə edəcək heç nəyim yoxdur”.

Ukrayna Ali Radası isə hərbi vəziyyətin qüvvədə olma müddətini 90 gün uzadıb.

Xatırladaq ki, aprelin 27-də Ukrayna Prezidenti Volodimir Zelenski hərbi vəziyyətin və ümumi səfərbərliyin qüvvədə qalma müddətinin uzadılması haqqında qanun layihəsini Ali Radaya təqdim edib.