Müharibəni Mixail Saakaşvili kənardan aldığı xain sifarişlə başlamışdı | İvanişvili

“Gürcüstan hakimiyyəti oktyabrın 26-na təyin edilən parlament seçkilərində qalib gəldikdən sonra 2008-ci ildə osetinlərlə gürcülər arasındakı müharibəyə görə xalqdan üzr istəyəcək”.

Bunu hakim “Gürcü arzusu-Demokratik Gürcüstan” partiyasının təsisçisi və fəxri sədri Bidzina İvanişvili Qori şəhərində keçirilən seçki mitinqində deyib.

“Oktyabrın 26-da seçkilər başa çatdıqdan sonra müharibənin təhrikçiləri mühakimə olunacaq və gürcü-osetin dostluğunun məhvinə görə məsuliyyət daşıyanların hamısı ən sərt hüquqi cavab alacaqlar. Fakt budur ki, müharibəni Gürcüstanın sabiq prezidenti Mixail Saakaşvili və onun Vahid Milli Hərəkat Partiyası kənardan aldığı xain sifarişlə başlamışdı”, – deyə B.İvanişvili bildirib.