Mühasib qadın çalışdığı şirkətin başına oyun açdı | Ağlasığmaz əməlin detalları

İngiltərədə yaşayan mühasib qadın 500 000 dolları qısa zaman ərzində “TikTok”da xərcləyib.

Maraqlı məqam pulun miqdarı yox, mənbəyidir. Çünki iki uşaqlı ana bu qədər pulu çalışdığı şirkətdən oğurlayaraq əldə edib.

Belə ki, Ketri Qrinol mühasib vəzifəsinə yüksəldikdən sonra müdirin etibarından və maliyyə sistemlərinə çıxış imkanından istifadə edərək 120 icazəsiz əməliyyat həyata keçirib. O, maliyyə sənədlərini manipulyasiya edərək şəxsi bank hesabına köçürüb və təxminən 500 000 dollar oğurlayıb.

Öz etirafına görə, o, bu pulun 400 000 dollarını sevimli “TikTok” bloqçuları üçün hədiyyələrə xərcləyib.

Şirkət rəhbərliyi mənfəətin azaldığını görüb izahat istədikdə, Ketri araşdırma aparacağına söz versə də, əvəzində 27 min dollar məbləğində son köçürmə edib və qohumunun uydurma xəstəliyini əsas gətirərək ofisi tərk edib.

Daha sonra o, dələduzluğunu etiraf edib və həbs olunub.