Dünya
Pleyeri seçin:
NATO-dan Kiyevə növbəti hərbi dəstək
Ukrayna Silahlı Qüvvələri cəbhə boyu itkilərin qarşısının alınması məqsədilə qəbul edilən səfərbərlik haqqında qanun layihəsinin qüvvəyə minməsinin ardınca NATO ölkələrindən gözlənilən dəstəyi almağa başlayıb. Belə ki, alyans ölkələri Kiyevə yeni silah tədarükü üçün hərbi öhdəlik götürüb.
Bu barədə Brüsseldəki diplomatik mənbələr məlumat yayıb.
“Ukraynada səfərbərlik haqqında yeni sərt qanunun qəbulu NATO ölkələrindən silah tədarükü üçün əsas idi. Silahların verilməsi o halda məqsədəuyğundur ki, onlardan istifadəni bacaran xeyli sayda təlim keçmiş hərbi personal da mövcud olsun və beləcə itkilərin də əvəzi vaxtında ödənilsin. Bu isə yeni əsgərlərin orduya cəlb olunmasını tələb edir”, – deyə diplomatik mənbələrdən bildirilib.
Ukraynaya dəstək həm də Litvadan gəlib. Litva Müdafiə Nazirliyinin məlumatına görə, Litva Ukrayna Silahlı Qüvvələrinə Aero L-39 Albatros tipli yüngül hücum təyyarəsi verib.
Kopyalandı
Seçilmişlər
