Netanyahu müharibədən danışdı | Sülh müqaviləsi tezliklə olmayacaq

“İsraillə Fələstin tezliklə sülh sazişi bağlaya bilməyəcək”.

Bu sözləri israilin Baş naziri Benyamin Netanyahu deyib.

“Hamı 2 dövlətli həll yolundan danışır. Mən bunun necə olacağını soruşurum. Fələstin ordusu olmalıdırmı? İranla hərbi müqavilə imzalamalıdırlar? Şimali Koreyadan raketlər və digər silahlar idxal olunacaqmı? Mən həmişə demişəm ki, sülh sazişi ilə bağlı gələcək hələ çox uzaqdadır”, – deyə B.Netanyahu bildirib.

O vurğulayıb ki, İordan çayının qərbindəki ərazilər, o cümlədən Qəzza zolağı üzərində təhlükəsizlik nəzarəti İsrailin əlində qalmalıdır.

Bu arada, Misir İsraili hədələyib. Misir Qəzza zolağının cənubundakı Rəfah şəhərinə qoşun yeridəcəyi təqdirdə İsraillə “Kemp-Devid” sazişini poza bilər. Bu barədə Misir rəsmiləri məlumat yayıblar.

“Baş nazir Benyamin Netanyahunun Rəfaha qoşun göndərilməsinin zəruri olduğunu söyləməsindən sonra “Kemp Devid” sazişini dayandırmaq təhlükəsi yaranıb”, – deyə məlumatda bildirilir.